DIY宇治金時綠茶雪糕

對我這個甜品魔怪來說, 在炎夏的晚上嘆番杯雪糕真是一大享受, 不過要說清楚的是一杯雪糕或一支甜筒是不能滿足我的口腹,  我要打孖上,由其是甜筒.
其實自己落手做也不難, 市面上有各色各樣的雪糕機供選擇, 只要找到適合的, 就可以自己動手制作雪糕.

將雪糕用料預備好



這個制雪糕胆要預先冷藏24小時, 咁就可以打成軟滑雪糕啦




剛好入滿一盒約有1kg

因為太心急想食, 雪咗4 小時就急不及待拿出來, 四面角位凝固, 但中間部分仍是軟軟的

加了綠茶粉的寒天


小丸子嚟啦


原本紅豆要一粒粒才美觀, 人懶就求其算數, 懶到用罐頭紅豆茸

今晚朋友來我家品嚐這個宇治金時綠茶雪糕, 佢話系出面食好貴喎, 其實自家制都唔系平架

                                      

DIY朱古力杏仁糖

記得小時候每逢過年總希望收到我勁LIKE的樂家杏仁糖，雖然而家年紀有番咁上下，但仍是食不停口。早陣子聽到朋友話有朱古加杏仁糖班學，咁難得的機會點可以錯過，學咗就要回家實習交功課啦

脆糖材料一齊煮


煮到成焦糖加入杏仁


倒在不貼布上壓平


杏仁糖做好啦，流晒口水，但仲未食得哦


準備好溶朱古力和杏仁碎粒


做好啦！不過d杏仁黏得好肉酸呀

大功告成

18磅士多啤梨長方形蛋糕

 

囝囝同我講中信中心搞了一個中信之夜的活動， 叫他幫手做一個足夠150人吃的蛋糕，嘩，咁刺激！咁就要好好準備，我們決定整一個士多啤梨鮮忌廉長方形蛋糕。
星期六一早我和囝囝先焗好三片20吋X14吋的蛋糕做準備，計下這個蛋糕頂多夠120人， 即時決定焗多一片, 將這片分成三份！

加埋哩個細的就足夠150人享用

今次餡料全用半個士多啤梨做夾層，材料的總重量超過24磅，士多啤梨就佔了12磅，蛋要5磅， 再加埋麵粉,；糖，鮮忌廉等，終於成功完成一個18磅重, 一個6磅的蛋糕

 

 

將朱古力溶液在透明膠紙上唧上字樣

反轉舖在忌廉面上

囝囝為了有效地完成任務， 邀請了他的兩位同學幫手批忌廉唧花，佢哋三個人一齊整造型，我就不停咁系厨房洗洗洗！

終於大功告成

運送這兩個大蛋糕就夠傷腦筋，我和囝囝只可以一個開車， 一個用手托著蛋糕，單是那個18磅就不是一件容易用手托著就可行的了。正所謂送佛送到西， 兩位同學決定幫手護送蛋糕， 咁就易辨好多了， 沿途囝囝雙手緊握著18磅，一位同學托著6磅，另一位就護著囝囝的18磅， 生怕有任何碰撞，真是一個艱苦路程， 終於安全到達目的地，誰料到在最後一刻出事，當蛋糕準備放上枱時，一不小心就弄花了，好彩我們一早帶備忌廉隨時作修補，虛驚一場！

鬆脆蝴蝶酥與失敗馬卡龍

 

見到Blog友maymay 和wangwang的馬卡龍好靚, 咁我又試下學整, 一共有5種味道, 一睇個漿就知出問題啦

個面一d都唔光滑, 不過我會再接再勵, 遲d要請教兩位高人點先做到有佢哋一半功力呢

整完馬卡龍又學下整蝴蝶酥, 我買咗急涷酥皮試下, 同時自己也搓一塊作比較

哩一盆自己搓皮, 分兩次焗, 都有成50塊, yeah!

你哋估下那邊是手搓, 那邊是現成酥皮做的呢?

囝囝生日--覆盆子夾心朱古力慕絲蛋糕

今日系囝囝生日大個仔,,換字頭啦!  晚上去食日本菜慶祝, 其實星期日囝囝已帶了蛋糕返教會同佢班朋友一齊慶祝,

早一日就在家整定個Cake, 哩個蛋糕都幾煩复, 仲系勁多朱古力和蛋黃,不過年青人食就冇問題啦

可可粉和朱古力等材料煮成的朱古力漿

蛋白

咁就成為無麵粉的朱古力蛋白餅



暖蛋--Sabayon   唔好睇少哩盆嘢, 單是蛋黃就超過12隻, 仲未計全蛋



朱古力忌廉--35%wipping cream+溶朱古力, 又系超標之作

Sabayon+Chocolate Cream=Chocolate Mousse



蛋糕都好大架, 10吋

朱古力鏡面

鏡面失敗之作--唔夠光滑

中間覆盆子夾層, 仲加咗新鮮覆盆子,



今次將份量x2,咁就整咗個10吋大的mousse cake, 以為足夠他們食啦, 點知都系唔夠,

wedding cake 大搞作

很早以前已接到通知要為教會一對年青人的wedding party做甜品,  為了有效地完成這個任務 , 襯4月返香港就約埋blog友wongwong, 在火炭一間專賣糕點用品的批發公司入貨。 臨近婚禮,負責wedding cake的姊妹身體不適, 結果這個重要任務就交給我這個新手, 她們問我可否用mousse做wedding cake,吓! 真系有點難度, 温度--- 正常嚟講10月比較涼, 應該捱到兩個鐘吧!ok。高度---做得結婚蛋糕就不能太矮, ,最低限度要有3吋,  但一般mousse圈只得2吋高, 唔夠時間訂做3吋模了, 咁就要想想辨法終於比我諗到了......
材料一應俱備, 囝囝請假一天唔返學幫我手, 離譜

6盒18隻裝ex蛋

7盒wipping cream

啤梨, 芒果, 士多啤梨果茸

出動兩個kitchen aid打蛋機

這個就是我諗到的笨笨方法, 將個蛋糕倒轉做

倒扣出來就系咁樣啦, 內有兩層綠茶蛋糕



自家制脆糖

d脆糖就系放系哩個蛋糕到, 系咪有d似曾相識呢, 美x天使蛋糕?



除咗綠茶, 和天使外, 當然仲有朱古力蛋糕啦, 三種不同口味

半製成品

 

 

芒果, 士多啤梨慕絲杯, 囝囝負責製飾, 系咪好靚呢

今次禮婚主題顏色以香檳色和綠色為主, 所以在用料也盡量配合, 咁就用上啤梨茸配綠茶蛋糕
Pear Cheese Green Tea Wedding Cake

星期六就系婚禮, 星期四下午開始整定個結婚蛋糕, 若果出咗問題都仲有時間補救, 好彩順利完成, 星期五繼續搞埋五個脆糖天使蛋糕同5個榛子朱古力脆脆蛋糕,(掛咗切蛋糕, 連相都冇時間影) 再加埋200慕絲杯, 由早忙到半夜, 做到氣來氣喘, 不過聽到大家對這些甜品讚口不絶, 又有點飄飄然