去福臨門做富豪

這間出晒名多富豪去的飯店；經常在娛樂版睇到阿乜乜富豪同佢d紅顏知己去福臨門食午飯, 乜乜富豪同老婆系福臨門撐枱。虛榮心作祟，我要做番次富豪!  二姐和囡囡阿米加埋我一行三人，來到門口，我哋沒有訂位, 一位滿臉笑容的知客很有禮貌地問了姓名, 由另一位待應帶到坐枱，雖然我哋系普羅大眾，但他們的服務態度一樣熱誠，值得一讚

看看點心紙(唔記得映相), 價錢是預料之內

金錢肚, 鮮蝦腸粉,鮮蝦菜苗餃

奶皇流沙包, 千層糕, 金粟墨魚餅

濕炒牛河


生磨合桃露

味道當然是水準之內, 也許對富豪飯店這個名抱有希望，可惜沒有帶來驚喜，埋單700+,，滙豐或東亞白金卡有9折，用2百幾蚊滿足下虛榮心，你話值唔值呢

Cova Tea Buffet

好耐冇寫BLOG,  其實這三個月做咗好多嘢, 由其系1月初幫公司anniversary party整咗6仟塊曲奇, 當然我一個人點可能做得晒, 拍檔系公司的阿rick, 但最最最要多謝的是兩位blog友SaSa同WongWong, 若果唔系佢哋幫手, 肯定冇法完成, 多謝你哋呀!!!!!
完成曲奇後跟住就要準備賀年食品, 200盒糕點......., 真系做到人到癲, 整整一個月都在忙這忙那, 雖然忙, 點都會揾時間四出品嚐美食, 嘻嘻!!
過咗農曆年終於放下所有工作自由啦,   但距離返加拿大只剩一星期, 當然要繼續揾食啦! 今日姨娚女帶埋我一行四人殺到利園一樓的Cova,嘩!發達啦,  甜品一向是我的至愛, 點可以錯過呢,  一坐下先來一杯鮮果汁, 主角出場啦........

 環境優雅
 

侍應親自遞上各款三文治


多款糕點任君選擇

食完甜品再來一杯咖啡或朱古力


好滿足的一餐, 下次返香港一定再來食過

超正Set Lunch

返咗香港差不多兩個月, 午餐通常出外吃, 除外屋苑樓下的食店外, 幫襯得最多相信系這間位於THE ONE的雅Miyabi, 這間日本料理的set lunch 最平都要200元, 而家做優惠買一送一, 咁即系半價啦, 所以同大少常常去幫襯, 通常會叫一份壽司和一份鉄板燒, 埋單約300+


向正維港, 坐系窗邊個景好吸引, 不過好曬, 最好坐入一排位會好好多

我最中意的壽司套餐原價260元

麵豉湯

茶碗蒸

餐前菜

迷你壽司飯

6款壽司

鉄板燒---大蝦

厚燒牛肉(可選薄燒)兩樣燒都好正

鉄板燒---炒飯

鉄板燒--炒菜

仲有甜品

餐牌上有十多款套餐任選,我打算續一試, 我家二少月底回來度假, 相信Miyabi會成為我們午餐經常去的地方YEAH

SUI VALLEY

返咗嚟香港差不多3個星期, 28/10到埗, 29号就去西九美酒佳餚巡禮幫手至11pm, 雖然沒有休息, 不過場內氣氛實在太熱鬧了, 跟客人吹吹水, 飲下酒,心情興奮,一D倦意都冇,而且仲行咗去興隆個攤位, 見到腹大便便的美食醫生也在會場陪著佢老公Eric, 今次我們的德國白酒相當好賣, 斷晒貨, 要等到11月尾才有貨給訂了酒的客人

賣斷貨的兩款藍樽(絧色和藍色)德國白酒

自家品牌是谷紅

過咗幾日又到會展的香港國際美酒展,  細佬LUCY同佢班朋友一齊嚟撐場, 多謝你哋呀!我懶到連相都冇影, 咁就借用細佬個BLOG
http://blog.yahoo.com/_BT25FD4TSABLIY5T55CD2AQFWU/articles/142315

是谷紅穠酒深情之夜

上星期我公司在尖東香宮舉辦紅酒宴, 今次主力推介公司最新代理的西班牙酒, 同時也介紹繼是谷紅SUI VALLEY和是谷庭CASA di SUI後, 即將推出的另一自家品牌NINE X NINE系列

賓客到場先來品嘗--SULVALLEY  WHITE ZINFANDEL 2007

唯靈叔叔又再次為我們挑選菜式配合各款不同味道的酒, 葉Sir也為宴會和每道菜改了一個漂亮的名字

唯靈叔叔正在講解如何讓菜餚和酒配合

深意濃情鳳配龍(人蔘豉油雞卷小青瓜拼金絲蝦球)配Cadena Alte2010, D.O.Rueda  Spain

靈包心事寄白雪(鮑魚百靈菇扣自製豆腐)配Cadena Baja 2010, Terrra Alte  Spain

香稻結繩繫玉骨(稻草骨)配Petite Sirah2008, Nine X Nine  California

金盞一乾耀火紅(金盞鵝肝燒鴨崧)配Old Vine Zinfandel 2006, Nine X Nine California

太牢肉醉葡萄酒(紅酒牛腩)配Old Vine Zinfandel 2006 , 95240 California

Old Vine Zinfandel 2008, Benson Ferry California, 這款紅酒沒有配搭任何菜餚, 只作品嘗, 而我又唔記得映相, 咁就返公司映番囉

美食醫生老公Eric介紹將在10月之後跟東瀛遊合作搞幾團安徽牧牛湖大閘蟹美食團,到時仲有名人帶隊, 系邊d名人?買下關子先

蛋白蟹肉蒸五穀飯, 蛋白香滑, 好正!

這個酒心朱古力一定要介紹下, 是香宫特別為今次酒宴而做的,酒心用上我公司最新代理的EL MAGO 25Years Rancio Wine Spain, 好味到唔識形容, 仲要系只此一家, 出面買唔到架, 每人配得2粒, 個個都話唔夠喉, 唔知公司會唔會因應須求叫香宮再特別為我們做呢

這支EL MAGO 50 Years Rancio Wine Spain 每年只出產100支, 每枝更有特定号碼, 我當然都擁有一枝啦

酒宴的菜式是香宮新來的大厨親自主理, 每道菜都極為出色好味,美酒名菜相輝映, 仲同美食醫生和Julianna再相逢,真系樂在其中