紅寶石指環

大峽谷的晨曦， 他，手中拿著紅宝石指環，她，欣然地點頭，他為她帶上。在零下12度的寒冬裏，迎來了溫暖的陽光，一幅美麗的圖畫，一個難忘的日子，一段浪漫的時刻!  一對可愛的人兒 ! 

我的兒，我的準媳，我的所愛.......

紐約回憶之旅

今次去紐約參加好友女兒的婚禮, 除了帶同兩個兒子外, 還多了一個她(丁丁).這個我看著她長大的女孩, 將會成為我家的新成員, 這就是緣分! ;阿大提意去long island, 他想給丁丁看看他曾經生活過的地方. 一行四人開車約5小時, 中午到達woodbury outlet, 幾個年青人齊齊shopping搵正嘢, 阿細最大收穫, 一套原價$1950的Armani西裝,只用$499就可以拿回家, 阿大和丁丁一樣買到平靚正的物品, 佢哋覺得唔夠時間掃貨, 但我哋行程緊密,唯有留番下次再嚟過啦, 一路開往紐約, 天氣變得極差,大雨滂沱,好不容易才回到酒店, 真担心往後兩天情況會否一樣的壞, 我和仔仔曾經在紐約居住, 所以對這裏一點都不陌生, 丁丁算是第一次來呢, 一定要安排Manhattan sightseeing, 讓她看看這國際大都會. 天公對我哋不薄, 竟然天色放晴, 連出名難找車位的紐約, 我哋都不用花時間找,就有一個靚靚車位放在眼前(晒命), 參觀完911紀念廣場後就要趕往教堂觀禮, 這時天色開始轉壞, 直到晚宴完畢都下著雨
行程第三天也是這次旅程的最後一天, 仔仔的童年回憶long island, 我們曾經在這裏生活了兩年,就讓他們懷緬一番吧! 當天一睡醒打開窗帘,早上7時的太陽已照入房內,太棒了! 未到8點就離開酒店往freeport去, 因為9點上船出海釣魚, 到達碼頭才知搞錯時間, 釣船8點已開出, 唯有等下午1時那班船啦, 那就改改行程去紐約最著名的海灘long beach, 到達入口才知當天是一年一度air show,真巧! 好彩我們上午去, 當我們中午離開海灘前住freeport時, 車龍已有數公里長, 那些仍在車龍中的車輛應該沒法看到飛行表演了,我哋真是錯有錯著, 否則錯過了這麼精彩的表演!(又晒命).飛行表演除了最新的戰機外, 仲有二次大戰時用過的戰機, 他們的飛行花式表演難度之高.....!

看到這張照片有點感動, 眼前這三個年青人已長大, 是時候放手讓他們選擇自己的路了!

丁丁第一次出海釣魚, 心情特別興奮, 我們四人中就只有她一個釣到一條魚, 可惜只得11吋長,(18吋才可帶走) 要放回海中, 不過也讓她樂透了

妹妹花園

妹妹咁大個女第一次系草地跑，好好玩哦！

四代同堂挖蜆蜆



又系開心家族吃喝玩樂時間, 昨晚跟二姐和弟婦去咗深水埗金豪食嘢, 想不到一間街坊小廚竟有意外驚喜, 好滿意的一餐。今日又出動,  要親親大自然, 仲有大姐與老媽連同大姐個肥孫女, 四代同堂真夠熱鬧。

 

中午在東涌集合

 

估唔到星期六都咁多人, 排到第四架才上到車

 

到達水口村, 要步行15分鐘到沙灘, 途中見到牛牛先生, 嘩! 未見過咁肥的水牛, 睇嚟佢系因為不用耕田, 已過著退休生活, 真寫意！

 

目的地就在眼前

 

霸好地盆準備開工，

 

Lucy一出馬真系唔講得笑, 一挖就.....hahaha

 

你又挖我又挖, 濕晒衫褲, 濕晒鞋！繼續挖, 不知幾爽快！

 

今日天氣非常好, 風和日勵, 水也不冷, 連老媽都話一對腳浸在水裏亦感覺暖暖的

 

齊心就事成, 15斤呀！

 

勞動完又攰又餓,  就在村內的一間士多醫肚, 除咗哩三碟炒麵, 仲叫咗幾份多士, 味道唔錯呀!

 

辛苦搵嚟自在食, 一盆油鹽水, 一盆豉椒炒

一行九人將兩大盆蜆掃光, 枱面咁多空殼，其實已有兩碟空殼被搬走了。

 

我哋在這間士多租了櫈仔和挖蜆扖, 連同這餐, 不計車費每人消費50元, 在現今物價高漲的環境下, 仲有咁平又咁好玩的活動,實在太難得哦！

開始新一頁

終於搬家了,我除了遊下網,寫下blog之外,其他的一曉不通. 好彩有卜友幫我, 今日終於可以新居入伙, 來到這個新家就像劉姥姥入大觀圓, 睇嚟仲要慢慢摸索,而家最担心就系唔知點樣將yahoo的舊文搬過來, 認識我又想與我繼續在文字上交往的新知舊雨, 我在這等著你!

我好招積咩!!!

正所謂貴兔出門招風雨, 話說上星期約了Dr. Ma, 點知8号風球高高掛, 唯有改遲一日啦,  話晒都系第一次見Dr.Ma,  兔媽和細哥哥傍住妹妹離家.
終於見到聞名以久的Dr.Ma,  以前系加拿大一位醫生姨姨幫妹妹做檢查, 而家眼前見到的醫生哥哥好靚仔, 媽媽哩次真識揀

妹妹系籠到走出嚟打算同醫生哥哥say hi, 點知佢一見到妹妹就話妹妹個樣好招積, 仲好八卦, 為了不被其他兔兔誤會, 妹妹在此要同大家解釋一下, 妹妹一向對自己充滿信心,  這是帥氣, 不是招積!  對事物好奇是有智慧的表現, 絕對不是八卦

經過一輪檢查, 妹妹當然系一隻健康又活潑的兔兔啦, 不過出咗一個在加國從未發生的問題-----毛毛有寄生蟲.  診所的一位哥哥幫妹妹滴了藥, 媽媽安慰妹妹話香港太潮濕, 容易滋生寄生蟲, 只要滴滴藥水就冇事喎

昨日媽媽同細哥哥幫妹妹洗白白, 至於妹妹的浴照, sorry唔會post出來的, 不過就可以比d出浴後的靚女樣你哋睇

洗完白白好舒服呀

跟著比媽媽捉住剪甲甲


比媽媽同哥哥舞完一大輪, 終於可以自由啦

DIY宇治金時綠茶雪糕

對我這個甜品魔怪來說, 在炎夏的晚上嘆番杯雪糕真是一大享受, 不過要說清楚的是一杯雪糕或一支甜筒是不能滿足我的口腹,  我要打孖上,由其是甜筒.
其實自己落手做也不難, 市面上有各色各樣的雪糕機供選擇, 只要找到適合的, 就可以自己動手制作雪糕.

將雪糕用料預備好



這個制雪糕胆要預先冷藏24小時, 咁就可以打成軟滑雪糕啦




剛好入滿一盒約有1kg

因為太心急想食, 雪咗4 小時就急不及待拿出來, 四面角位凝固, 但中間部分仍是軟軟的

加了綠茶粉的寒天


小丸子嚟啦


原本紅豆要一粒粒才美觀, 人懶就求其算數, 懶到用罐頭紅豆茸

今晚朋友來我家品嚐這個宇治金時綠茶雪糕, 佢話系出面食好貴喎, 其實自家制都唔系平架

                                      

DIY韓食合家歡

LUCY娘家可說是開心家族，幾姐弟經常歡聚在一起，幾姐弟中由以LUCY最中意整嘢食，早前跟利泰園的金小姐學了幾款泡菜和熱炒，咁就要多多實習才是，家人是最好的審評員，一於約齊人馬嘗嘗我的韓國料理。

為了今次的聚餐，買了兩本韓國料理書，可以整多幾道菜式。

大白菜泡菜可說是韓食中不可缺少的菜餚，兩星期前開始準備


聚餐日子臨近，買材料整泡菜，青瓜泡菜要醃幾天才入味

皇帝菜泡菜，二姐中意夠清爽


蜜汁蝦乾，最好嘆番兩杯


辣味小魚乾，好評如潮


蜜味魚乾，個個食到唔停得口


菠菜泡菜

茄子和豆芽泡菜

醬油薯仔！可惜買不到新薯仔，不能連皮吃

今餐的主菜...牛肋骨


燉足3小時終於完成



醬煮豬肉


切成片，用生菜包著肉片與蒜片 豆醬一起進食，我的首選！


甜辣年糕，佢哋話最辣這味餸

海鮮大醬湯，當時人已到齊開餐了，一心急就出事，先是煮好才發覺唔記得落草菇和冬菇，即刻加入，一路食都覺得仲有D嘢，食完才記得豆腐仍在雪柜無放入湯到，真系離晒大譜完全唔合格

泡菜海鮮薄餅，為了遷就不吃辣的老媽，也整了九菜海鮮薄餅，大姐見我忙到亂晒籠，佢就幫我煎晒所有薄餅



什錦炒粉絲，個個都話好好味

六個涼拌，四小砵，四熱炒和一個湯，一枱15人，無法消滅所有食物，佢哋話份量足夠24位，响應不浪費行動。個個打包返屋企。食完就要佢哋比評語，我自己覺得合格有70分，佢哋話味道真的不錯，二姐夫大好人給我80分，開心C我呀！


食完嘢一班女人(包括家姐，弟婦,姪女, 娚女，我家可說是女人天下)系到東家長西家短時，老媽一個人靜靜的走進厨房把所有碗碟洗清，雖然我年紀都唔細，但在老媽心中仍是一個小女孩。要做咁多菜，一個人點搞得掂呀，多得大姐和二姐幫手洗洗切切，否則出錯機會仲多，正所謂姊妹同心，其利斷金，好溫馨愉快的一晚，盡興！