賭城遊踪((一)機場驚暈

同阿J去Las Vegas玩, 3月1号中午1時到達機場, 平時我習慣早一日在網上Check in, 但阿J的機票名字中有一個字母串錯, 雖然航空公司話冇問題, 我還是選擇到機場Check in,阿J老公陪我們去機場, 原來的航班是3:10pm departure, 但改為4:10pm, 這樣就趕不及在Atlanta轉機，

咁地勤人員就幫我們改4:30pm飛Detroit ,再轉機去Las Vegas, 咁到達Las Vegas的時間幾乎一樣, 繼續辦理手續時, 才發覺阿J拿的是英國護照, 以前只須填寫一張綠色入境紙便可, 但不知幾時改為出發前先要上網申請VISA, 地勤人員話一定要搞好VISA才可上機, 差點嚇暈阿J,  男人都是比較冷靜, 阿J老公即時同阿J回家搞,  好彩航班改了才夠時間上網申請, 否則阿J肯定不能成行, 真是抺得一把汗。

晚上9點幾到Las Vegas, 莊主太座接我們回家休息一晚, 第二天接埋阿麗, 就開始我們的優遊自在假期, Shopping可以話冇乜女仕唔中意, 11am接咗阿麗回家放下行李, 急不及待出發去ROSS買衫, 講個秘密你哋知, 美食醫生前年在這間店買了好多衫, 單是睡衣都買咗10套。 在美國買嘢, 稅比加國低, 滙率更近乎1對1, 同一件衫, 美國價24.99USD, 加拿大要34.99CAD, 再計計稅率, 竟是雙倍價錢, 所以我們一出擊就人人都有收穫, 晚上就在Henderson 的一間叫SUSHI MON的日式放題,全日本厨師, $26.99有海胆同甜蝦, 有機會到L.V.玩, 不妨試試

一連7天的旅程, 出外觀光的時間不多,阿J 話留在屋內relax下, 咁樣仲有Vacation feel喎

旅行前的大修

早幾年就答應同阿J(三師奶一齊食午餐)和好友阿麗去las vegas玩,終於對現誠諾, 早前用自己的飛行里數的分換了兩張機票, 包機票連住宿, 就當是提早送給阿J的生日禮物(25/3生日), 明日出發玩一星期, 而好友阿麗也用了她的分換了機票, 不過就遲我一日去, 早我一日走.為了這次旅行, 我都可說用盡方法, 不惜忍受皮肉之苦, 可解? 咪就系過年前太過賣力(賀年食品多蘿蘿), 結果搞到隻左手五十肩仲加埋網球手, 真系苦不堪言, 但又冇好好休息, 搞到連拿飯碗都出唔到力, 變咗半殘廢, 上星期有朋友介紹個針灸師給我, 佢對這個針灸師非常信服, 咁我就開始我生平的第一次

星期一:因為是第一次 針灸,針灸師怕我驚, 所以用短針, 由膊頭針到手肘,  拔針後就嚟個拔罐, 由左至右, 咁就多咗成十個血紅圈圈

星期三:針灸師話我忍到痛仲非常冷靜, 可以接受更嚴峻考驗, 先嚟個放血, 系放血, 跟著又系成十支針, 由膊頭至手腕, 今云轉用中針

星期五:用中針和短針由膊頭至虎口,拔針後,來個全身括沙, 簡直慘不忍睹, 血痕累累, 好彩而家系冬天, 否則咁個樣點出街見人呀

星期日:我同針灸師講數, 要佢輕手d, 因為要出埠啦, 咁佢就落少幾針而且每針都不太深入 ,拔針後就放我走, 不過佢話等我返嚟要幫我做艾針, 乜嘢叫艾針

遲d開估

為咗要隻手快d好乜都肯試!, 而家隻手漸漸抬得起, 仲可以提得起個飯碗, 好彩d手指一路都ok郁得到, 唔系點出post呀

身世之詸

乜嘢嚟架?雞毛掃?

開始有D眉目啦!

妹妹兩個月大就同媽媽和哥哥一起生活, 當時媽媽搞唔清妹妹係乜嘢品種, 記得在妹妹五個月大時, 一日john哥哥來我家同哥哥打game, 佢看見我就話我好似一隻小獅子, john哥哥真醒目, 一睇就睇得出, 反而媽媽和哥哥日日對住妹妹都搞唔清, 真系冇鬼用,直到7個月大,媽媽帶妹妹見醫生姐姐, 才知我是一隻獅子兔, 而家我已經9個月大啦
http://www.rabbitsking.com/LionHead.html

妹妹大個女

話咁快就過咗兩個月, 終於返到加拿大, 這次旅程一個字形容晒忙,聖誕節, 元旦, 跟著農曆年,所以飯局特別多, 竟然做咗無飯主婦, 在家煮飯次數一隻手都數得晒, 好對唔住老公同個仔哦!

今次最大收穫是認識了幾位朋友, 又嘗盡不少美食, 真是人生一大樂事,結果是肥咗好多, 返到加國要進行地獄式減肥, 哈哈!聽住先啦!

加國那邊的朋友們托我買東西, 兩件行李中超過一半是他們的物品, 又做咗速遞員啦! 囝囝去機場接我回家,踏入門口,第一件事更系錫錫妹妹啦, 兩個月冇見喎, 嘩!大個咗仲靚女咗好多呀,

妹妹: 各位ee, 兔哥哥, 兔姐姐, 祝兔年快樂!恭喜發財!

媽媽終於返嚟啦, 剛剛幫妹妹掃毛毛, 仲有錫錫tim, 哎呀!媽媽坐完飛機, 涼未沖, 牙未刷, 好臭呀, ee救命呀!!!!!

賀年食品多蘿蘿(下)超級大製作

踏入兔年, 首先向各位BLOG友拜個年, 祝大家新春快樂! 兔氣揚眉! 動若脫兔!

年廿九又繼續蒸糕, 一口氣蒸咗14盆蘿蔔糕, 七盆芋頭糕, 5盆馬碲糕

60隻五香茶葉蛋

上星期跟四叔學整家郷扣肉後, 自己在家嘗試整下, 味道都OK

年卅一早蒸咗2盆年糕, 4盆椰汁年糕

五式賀年糕點--年糕, 瑤柱蘿蔔糕, 椰汁年糕, 芋頭糕, 馬碲糕

每年除夕全家都會集合一齊,準備食品應付連續幾天的客人到訪, 今年當然不會例外, 各就各位準備開工,相片內的人數都未夠一半

蛋角, 又名金元寶, 要做成2百隻架, 這個銅殼已經超過三十年歷史啦, 每年都會拿出來用

過年重頭戲--千隻雲吞
90斤白菜

60斤豬肉, 全人手剁成免治肉碎, 人人雙刀齊下, 好威武

努力努力包包包

部分制成品

賀年食品多蘿蘿(上)

轉眼又一年, 下星期就過年la,屋企人想我做些賀年食品送給朋友,這個星期在忙碌中度過

 

22/1--10磅琥珀合桃, 分咗二十二罐, 連鉄罐都系自家出品

23/1--12磅牛油曲奇, 分咗24罐, 個d曲奇餅罐又系自家品牌啦

24/1 去東莞跟四叔學整家郷菜--酒糟扣肉同紅燒肉

紅燒肉用慢火炆煮

酒糟扣肉要蒸成3小時架, 過兩日會做幾碗過年
27/1 --早一日買好用料, 單是蘿蔔就二十幾斤,終於在一天之內完成24盆蘿蔔糕, 11盆芋頭糕, 11盆馬碲榚, 但仲未破以前53盆的記錄

系咪好似仲欠一d嘢呢!留待(下)再分享吧

夠胆就放蟲過來

這二天去咗石林, 中途在當地的地道菜館吃午餐, 云南是全國最多民族的省份, 超過60個小數民族, 而每個民族都有自己的風族和菜色, 有些菜色我聽了都打了個冷震, 我們這些城市人可有勇氣一試呢?

這間菜館在石林附近,d櫈仔枱仔哈哈, 好耐冇扮小矮人了

供給客人選擇的餸菜, 你冇睇錯, 系三種蟲--由左之右:炸蜢, 蝗蜂同竹蟲, 在竹蟲下面好似海澡的系唔知乜樹的樹皮

煎羊乳酪, 除咗少少酥味,其本上好淡口

哩塊就系樹皮啦

烤鴨有驚喜, 冇肥膏, 又好肉, 真系皮脆肉滑,好食過北京填鴨好多

這個經典炸三蟲,你哋有冇胆一試呀, 我勇敢地過關了,得出結果以竹蟲較為可口

以下的相片是第三日去九郷途中午飯的地方,這家是又系彝族人的菜館,風乾豬肉, 連條喉管都食得架

上面掛著的是風乾牛肉, 下面血淋淋的是剛剛宰殺好的黃牛, 店主話夠新鮮好靚架,可以配青菜炒或上湯煮

我哋選咗用上湯, 不出五分鐘就上枱, 嘩!全部都係坑腩, 有冇咁快冧呀, 一放入口, 肉汁四濺, 嫩滑無比, 這碗嘢差不多我一個人食晒

後記:臨走那天又同楊先生去最初的那間奧林閣,再食佢哋ge煮腊肉, 期間提起云南千其百怪的食品, 楊先生問我有冇胆試一d更驚心動魄的菜色, 咁就聽下系乜先,一聽之下, 好平常姐, 我哋都成日食牛栢葉架啦, 但當他繼續講落去時, 咁就不得了,直情想嘔, 這種菜色竟然是牛第一個胃內儲存住仍未消化, 等待供給其他胃部的糧餉, 咁都可以做菜餚

 

(註:牛有四個胃), 下次再去云南時, 一定要見識見識, 有冇胆試到時至算