懶洋洋的妹妹

嚴寒的冬天終於過去, 媽媽推開玻璃門縫, 躺在落地玻璃門旁的妹妹, 正享受著久違了的清新空氣!!

全體乳豬一隻

系咪好想食呢

個幾張相點出得街, 破壞妹妹的淑女型像, 這樣才是妹妹的真實一面哦


春天到, 身上厚厚的毛毛要跟著季節轉變啦, 媽媽又要勞煩你多加清理, 

韓國泡菜

我中意食辣,  韓國泡菜當然愛吃啦, 不過買一盒泡菜價錢都唔平。 早排收到通少外母的自家制韓國泡菜, , 一食不得了, 比出面買的好食好多,  第一時間CALL通少外母話一定要學, 就系咁佢就約我同埋佢女婿通少去佢屋企做一次比我哋睇,  學咗就要實習啦!!

上星期六買好材料, 星期日開工, 單是紹菜就買咗13磅, 仲有兩大個沙梨

將薑, 蒜, 洋葱攪成泥狀

粘米粉加水煮開加入蒜,薑, 洋葱泥, 魚露, 辣椒粉

一層一層的舖上

前日通少外母來我家試下味道, 結果是鹹咗d同水多咗d, 吸收這次經驗, 下次一定會做得更好

我的四個家

不經不覺在這年半間寫了60多個post, 雖然沒有什麼吸引之處, 卻讓我認識了幾位好朋友, 真是意外的收穫。 記得寫第一篇時正身處加拿大, 除了加國外, 就如我的標題------我有四頭住家；而且還在這四個地方裡打過工呢, 雖然有些時間很短, 但也是一個很好的經驗。 這十多年來為這四個家不停的走走轉轉, 若以居住時間來分長短, 那就是----加拿大, 中國,  美國, 餘下的就是我的根---香港, 也是每次停留時間最短的地方。有些朋友會覺得我幸運, 可以同時擁有幾頭住家, 這點我得承認, 但年紀越大, 心裡響往想安定下來的諗法就越來越強！

相信許多因工作或經常穿梭於各地的人都有一個共通點, 就是一覺醒來張開眼, 不期然地問自己; 我身在何處? 而我每次的反應都是先定一定神, 然後睜大雙眼看清楚：【哦!原來仲系哩到】。

正所謂各處郷村各處例, 每個地方都有她獨特的環境, 文化和生活習慣。因著這些的不同, 我可以在當中領略更多。

記得在美國住在紐約長島時, 有半年時間更是住進一位外籍女仕家中, 那裏的人和事, 她們的愛心和包容, 讓我這個異郷客能安然的度過難關, 紐約給我許多經歷和回憶, 當中有笑有淚, 是我人生中一段值得回味的片段。這幾年沒有到過紐約, 反而每年都安排時間去las vegas, 真的很掛念紐約那邊的朋友, 應該是時候安排一下去會會她們。

來在加國, 選擇不住在華人聚居的多倫多或温哥華, 而是定居於帶有濃厚法國色彩的滿地可, 這是除了香港外, 被我視為第二故郷的地方。但我知道在不久的將來囝囝與我會帶埋妹妹兔正式告別這個讓我們度過了極愉快時光的地方, (有冇blog友可以告訴我點樣幫妹妹兔搞移民呢?) 雖然捨不得, 但人生總有許多離離合合, 利用網絡不就可以將距離拉近嗎? 所以我會樂觀面對。 落葉歸根! 可以安享晚年??

香港是我的出生地, 也是成長的地方, 雖然回歸中國十多年, 卻因著不一樣的生活文化產生了許多矛盾, 而我在東莞生活的日子裡,(也包括在70年代末中國開放時胆粗粗的上東莞工作) 這些經驗令我有更深的體會。眼見近期香港除了選特首, 双非和中港自駕遊也是熱門話題吧, 希望有機會同大家分享一些我在國內駕駛的樂與怒和一些令我哭笑難分的生活瑣事

後記:

因為經常穿梭這四頭住家 所以打趣的跟人說我有一個日本名字, 名為中港美加!

我要做0靚模

上個月哥哥返香港, 咁我又再寄居系Tony叔家中, 芷琳姐姐真系好, 佢知媽媽一定好掛住我, 就幫我影咗幾張相e給媽媽, 傻媽媽見到d相後就將佢的手機, 電腦wall paper都改晒妹妹的相, 一見到佢d朋友就要人睇, 媽媽的行為雖然有點傻, 但又真系幾感動喎, 原來有姨姨話我好似行cat walk咁款, 睇嚟妹妹真系有這個天份, 也許我會出名過baby都未定..........

哥哥的Cream Puff

琴晚系機場等阿仔接我回家, 等足一個半鐘, 原因係佢10PM才放學, 一上車就見到佢剛完成的功課,7個泡芙, 佢話要用3蚊同學校買先可以帶回家, 咁都唔算貴, 原來除咗泡芙外, 佢仲做咗幾款派餅, 睇嚟成績唔錯喎! 這間COOKING SCHOOL仲有西厨班, 學生的制成品會在學校的店售賣, 價錢比出面平一半有多, 也可以在指定時間內在學校的餐廰享用學生即場做的餐食, 不過要早成兩星期訂枱, 睇嚟我都不用在家煮飯了, 就等阿仔系學校買現成煮好的回來丁熱就食得, 仲平過自己煮  味道如何就要靠運氣啦, 因為個個學生的手藝不一.

 同阿仔一人一個食完先記得影相



味道都OK, 但就不及香港BEARDPAPA的泡芙外層帶點鬆脆感, 而內裏的Cream也不及beardpapa的香滑, 阿仔仍須努力, 不斷改良!!

Cova Tea Buffet

好耐冇寫BLOG,  其實這三個月做咗好多嘢, 由其系1月初幫公司anniversary party整咗6仟塊曲奇, 當然我一個人點可能做得晒, 拍檔系公司的阿rick, 但最最最要多謝的是兩位blog友SaSa同WongWong, 若果唔系佢哋幫手, 肯定冇法完成, 多謝你哋呀!!!!!
完成曲奇後跟住就要準備賀年食品, 200盒糕點......., 真系做到人到癲, 整整一個月都在忙這忙那, 雖然忙, 點都會揾時間四出品嚐美食, 嘻嘻!!
過咗農曆年終於放下所有工作自由啦,   但距離返加拿大只剩一星期, 當然要繼續揾食啦! 今日姨娚女帶埋我一行四人殺到利園一樓的Cova,嘩!發達啦,  甜品一向是我的至愛, 點可以錯過呢,  一坐下先來一杯鮮果汁, 主角出場啦........

 環境優雅
 

侍應親自遞上各款三文治


多款糕點任君選擇

食完甜品再來一杯咖啡或朱古力


好滿足的一餐, 下次返香港一定再來食過

超正Set Lunch

返咗香港差不多兩個月, 午餐通常出外吃, 除外屋苑樓下的食店外, 幫襯得最多相信系這間位於THE ONE的雅Miyabi, 這間日本料理的set lunch 最平都要200元, 而家做優惠買一送一, 咁即系半價啦, 所以同大少常常去幫襯, 通常會叫一份壽司和一份鉄板燒, 埋單約300+


向正維港, 坐系窗邊個景好吸引, 不過好曬, 最好坐入一排位會好好多

我最中意的壽司套餐原價260元

麵豉湯

茶碗蒸

餐前菜

迷你壽司飯

6款壽司

鉄板燒---大蝦

厚燒牛肉(可選薄燒)兩樣燒都好正

鉄板燒---炒飯

鉄板燒--炒菜

仲有甜品

餐牌上有十多款套餐任選,我打算續一試, 我家二少月底回來度假, 相信Miyabi會成為我們午餐經常去的地方YEAH