賀年食品多蘿蘿(上)

轉眼又一年, 下星期就過年la,屋企人想我做些賀年食品送給朋友,這個星期在忙碌中度過

 

22/1--10磅琥珀合桃, 分咗二十二罐, 連鉄罐都系自家出品

23/1--12磅牛油曲奇, 分咗24罐, 個d曲奇餅罐又系自家品牌啦

24/1 去東莞跟四叔學整家郷菜--酒糟扣肉同紅燒肉

紅燒肉用慢火炆煮

酒糟扣肉要蒸成3小時架, 過兩日會做幾碗過年
27/1 --早一日買好用料, 單是蘿蔔就二十幾斤,終於在一天之內完成24盆蘿蔔糕, 11盆芋頭糕, 11盆馬碲榚, 但仲未破以前53盆的記錄

系咪好似仲欠一d嘢呢!留待(下)再分享吧

夠胆就放蟲過來

這二天去咗石林, 中途在當地的地道菜館吃午餐, 云南是全國最多民族的省份, 超過60個小數民族, 而每個民族都有自己的風族和菜色, 有些菜色我聽了都打了個冷震, 我們這些城市人可有勇氣一試呢?

這間菜館在石林附近,d櫈仔枱仔哈哈, 好耐冇扮小矮人了

供給客人選擇的餸菜, 你冇睇錯, 系三種蟲--由左之右:炸蜢, 蝗蜂同竹蟲, 在竹蟲下面好似海澡的系唔知乜樹的樹皮

煎羊乳酪, 除咗少少酥味,其本上好淡口

哩塊就系樹皮啦

烤鴨有驚喜, 冇肥膏, 又好肉, 真系皮脆肉滑,好食過北京填鴨好多

這個經典炸三蟲,你哋有冇胆一試呀, 我勇敢地過關了,得出結果以竹蟲較為可口

以下的相片是第三日去九郷途中午飯的地方,這家是又系彝族人的菜館,風乾豬肉, 連條喉管都食得架

上面掛著的是風乾牛肉, 下面血淋淋的是剛剛宰殺好的黃牛, 店主話夠新鮮好靚架,可以配青菜炒或上湯煮

我哋選咗用上湯, 不出五分鐘就上枱, 嘩!全部都係坑腩, 有冇咁快冧呀, 一放入口, 肉汁四濺, 嫩滑無比, 這碗嘢差不多我一個人食晒

後記:臨走那天又同楊先生去最初的那間奧林閣,再食佢哋ge煮腊肉, 期間提起云南千其百怪的食品, 楊先生問我有冇胆試一d更驚心動魄的菜色, 咁就聽下系乜先,一聽之下, 好平常姐, 我哋都成日食牛栢葉架啦, 但當他繼續講落去時, 咁就不得了,直情想嘔, 這種菜色竟然是牛第一個胃內儲存住仍未消化, 等待供給其他胃部的糧餉, 咁都可以做菜餚

 

(註:牛有四個胃), 下次再去云南時, 一定要見識見識, 有冇胆試到時至算

綠洲中的冰火二重奏

在上文昆明樂與怒已提到終於搬離招待所後, 楊小姐就接我哋去一間國家級5星綠洲酒店, 到達酒店, 一看就知絶對是中國式的5星酒店,其實這間酒店在昆明算是相當唔錯啦!
來到昆明, 好應該介紹下這個城市, 昆明可說是中國最環保城市之一,這跟她的地理環境有關,若到過昆明, 有冇留意到差不多每楝大厦或房屋頂都佈滿太陽能儲電版,而且超過90%家庭都不安裝空調, 因為昆明四季如春, 而且日照時間長, 聽當地人說最高溫度不過29度,最低也不會低於0度。
所以酒店都盡量使用太陽能來供應熱水給酒店房間使用,綠洲酒店共26層, 我們的房間在23樓, 雖然楊小姐說這間酒店比較新, 但我就覺得有點舊,我都知我yim尖咗d,可能因為見慣東莞那些新的5星酒店吧, 去到房間, 環境設備都算ok啦。

 

舟車勞動完最好沖番個熱水涼,放下行李, 急不及待調好水溫就來個淋浴舒展身心,正當享受著水花潺潺地落在身上的暢快時,一陣燙熱感覺忽然殺到, 嘩的一聲立時彈開,回過神來看過究竟, 只見熱水沸騰地從花洒流出,正在盘算是否就此抹身走人時, 水溫又回復正常, 咁就繼續未完的事吧,不過我已學精了, 一路淋, 一路望著d水,但系都是百密一梳,突然一盆冷水照頭淋,本能地又立時彈開, 乜解究冇咗熱水架,如事者在這狹窄的空間內彈來彈去,就系咁彈足三天,差d變成彈弓人, 想想這個冰火二重奏應該比得上土耳其浴吧, 若果長期用這樣方式沖涼的話, 會唔會練就一身好武功呢

昆明樂與怒

我家大爺同佢個內地拍檔老應上昆明, 參觀楊先生新開的廠房,這位楊先生是當地人, 去年大爺和老應第一次拜會他時我也有跟去,今次連應太也一齊來,乘機玩多幾天

5号早上從深圳飛往昆明, 11點到達, 楊小姐帶我們去一家地道的云南菜館奧林閣吃午飯, 這間菜館最特色是用自養豬制腊肉腊腸, 用煙薰再風乾

彝族風味的煙腊肉, 肥瘦均勻清晰,絶對比美我們的廣東腊肉

這個秘制腊腸看似冇乜特別, 想也想不到內餡除了豬肉外, 竟然加入臭豆腐, 味道都OK架, 衰在炸得太乾

炒土豆

香菜炒牛肉

楊小姐知道我哋好中意食腊肉, 就問下可否外買一條讓我們可以帶回家, 可惜老闆話唔得, 太可惜了, 這餐好滿意！
 男仕有工作在身,楊小姐就帶我同應太去酒店攞房先, 車停在一座商業大厦, 乜唔系去酒店咩？
我奇怪地問,點知佢答我話上年都系住哩間,(註:上年系我哋自己訂了世紀金圓酒店, 一間真正的5星酒店)  行到服務台,只見地上滿是灰塵,已心知不妙,若果即時話要換酒店又好似太冇禮貌, 心已決定最多住一晚。服務員拿出一張登記表,我遞上証件,佢似乎未見過回郷証, 研究了一陣, 跟著問我哋幾号到昆明, 停留幾多日, (口不對心地答住3晚. )又問下一站去邊到；有冇搞錯, 中國都放開咗三十年啦, 仲邊有酒店咁樣問客人架,天呀!哩間肯定系専門招待內地人的招待所嚟啦

 

哩幾個國際時鐘好有問題

系咪好有80年代初期feel呢, 毛主席提的字哦

招待所在大厦的6,7,8樓, 我哋房間在7樓, 睇完房間就睇下個洗手間啦,唔睇由自可, 一睇......................

乜個門鎖咁架

再望下個馬桶, 個水缸蓋都唔見咗, 吓!連坐板都冇埋, 剩低個裂咗ge厠板蓋,救命呀!

睇埋浴缸, 哎!太刺激了

 

今次真系大開眼界，楊小姐在電話內聽到我的不滿, 不一回就訂了一間5星酒店, 等大爺傍晚一回來, 即時搬走, 哈哈!!!想不到又開始了另一個故事

1/1合家歡聚在嘉豪

元旦日一家人相約在嘉豪食晚飯, 細佬Lucy一早就去奸仔記買海鮮, 又買刺身和生果,晚上7點全家人齊集嘉豪開大餐, 詳情請看Lucy blog

http://hk.myblog.yahoo.com/laicf2000/article?mid=13640

超大隻牡丹蝦

爽甜北極貝

清甜帶子

極品左口魚刺身,一魚兩味, 想知條魚有幾大幾靚, 睇Lucy blog啦

一圍18人食咗兩隻燒鵝, 哩隻系第一隻, 我哋食晒唔多夠喉, 即時order第二隻, 但已全部沽清, 經理輝哥唔想掃我哋慶, 話等一個鐘頭就有得食, 多得燒臘梁師父即時加碼制作多一隻滿足我哋

四斤幾重的澳洲龍蝦

赤貝

這條黑立系細佬Lucy 啲釣友送嚟架, 多謝多謝

不能不提的梁師父秘制金錢雞, 咁香美味, 真的要一試再試, 師父話要預早三日訂才有得食架, 我哋好好彩, 因為有人訂制, 師父就送一碟給我們品嘗, 佢仲答應教我整, 開心死我啦, 遲d一定跟梁師父學！

這個秘制烏冬湯底系輝哥親自處理,香濃惹味

哩隻就系滿足我哋口腹的第二隻鵝, 好味到唔知點形容

 

今次歡樂家庭宴有美酒佳餚, 但最最最重要是整家人可以歡聚於一起