雲吞雲吞是我命根

這個星期真系有d問題, 好唔想煮飯, 乜都唔想做,但肚餓就要揾嘢食啦,就系咁我同哥哥就一連食咗5餐哩樣嘢, 我自己就連食咗 (剛剛食完第8餐), 哥哥要外出食sudway

其實上星期包咗2佰幾隻架, 有剩一包雲吞皮, 咁過咗幾日再攪d餡啦, 點知又剩咗哩砵嘢

唯有又去買包雲吞皮返嚟包埋佢, 好囉! 圓滿結束

好彩上星期我精神爽利同埋夠晒勤力, 這幾天哥哥同我才不至餓死家中

藍梅豆腐芝士凍餅

今早又系社區班教整cake, 早一日就要準備, 磅定d材料, 又要做定個cake比學員嘗試, 下面的cake mold系我返香港買回來的

成大包魚膠粉大家分, 比在超市買平好多

整緊個cake時開始唔舒服,鼻塞,又頭暈, 點都要搞掂埋佢

最後由我的助手--哥哥幫我脫模

佢哋好比心機架

一人一個5吋cake仔

好彩今次個cake系非常易做的, 咁就可以完成任務, 哥哥, 鍚晒你

三師奶又一齊食午餐

真系好耐冇一齊食午餐了,數數手指都有成兩年, 主要原因系我同阿A成日港加兩邊走, 次次都碰唔到面, 今次大家都在MONTREAL, 咁就揾埋阿J食番餐, 記得多年前我哋D宝貝讀小學, 各自送D宝貝返學, 然後一齊去食早餐,要食成3個鐘架, 點解要食咁耐, 咪就系要交流下d 金融政治,醫學常識,天文地理, 美容心得....囉, 今日d師奶唔系咁易做架, 唔系點頂得半邊天呀, 直至中午食完個早餐, 繼續去shopping, 3:30pm就去接佢哋放學, 就系咁在友儕中得了三師奶或三劍俠的名字, 我覺得三師奶形容我哋就最貼切

今次去的意大利餐廳Del Friscos是阿A提意的, 佢話低食夾大件

個包包又熱又軟--唔錯

我的green salad都好大碟喎

我哋三個都叫咗mussel不過唔同sauce, d mussel好好味, 佢哋食唔晒我包辦, 薯條就

哩杯 decafe比想像中好

這個set lunch唔洗11元, 加埋tax同tips每位15元正, 冇乜驚喜

妹妹乖乖

早幾日被媽媽罰咗入籠後, 我已自我反醒, 要做回一隻乖兔兔

今日哥哥幫我清潔便便盆, 哥哥真系好錫我, 所以我又走出個籠跟住哥哥行出行入, 哥哥就陪我玩tum tum轉, 我又乖乖咁躺在地毡到, 媽媽我以後會聽話架la

我的玩具

哩個就系我哥哥啦

 

超靚VANILLA BEANS

上年尾回港買咗一pack vanilla beans送比西點班的關sir, 諗住返到加國再買比自己啦, 點知返到嚟冇晒貨, 早幾日又去這間大型wholesale行下, 俾我發現又有貨啦, 不過價錢貴咗2蚊(系加币喎), 今次一定要買定做存貨

Madagascar 的vanilla bean 出晒名系靚嘢

同之前買個d相差好遠

 

妹妹的三宗罪

今日媽媽判咗妹妹三宗罪

妹妹的第一宗罪
判罪原因--CABLE線同電視電線滿目瘡痍

第二宗罪
判罪原因--媽媽的電腦線幾近斷裂

第三宗罪
也是最嚴重的罪愆---誤殺罪
當日哥哥在廳中睇電視, 座地燈突然息掉,查看之下, 原來又是妹妹的傑作, 奇怪的是座地燈是通了電源的, 妹妹竟然安然無恙

最後判決誤殺罪不成立, 但破壞公眾利益罪成

三項罪名成立即時入籠!     媽媽大人冤枉呀

妹妹入籠食皇家飯

點解D皇家飯仲正過平時個D

長青耆英活力勁

每個星期三早上教會都有長青團契, 這班活力之星平均年齡超過65歲, 小妹當然仲好年青啦, 我的參與系令佢哋的平均年歲下降d咋,除咗1-2月太凍又多雪而停止聚會外,他們每次都準時集合, 唱唱歌, 做做運動, 聖經分享等....當然聚餐系指定動作啦, 佢哋一人帶一樣食物,唔好以為咁ge年紀食得唔多呀, 佢哋ge食量小妹都自愧不如, 睇下枱上d食物

他們有些是獨居的,簡簡單單食飽就算, 同家人一齊住的,俾子女限制咗太甜,太肥都不準吃. ,住老人院的就更加冇得選擇,所以星期三就是他們的放肆日,腩肉, 豬手, 甜品樣樣齊,食得好滿足哦

A Little White Wedding Chapel

睇報紙見到陳小春和應采兒在迪士尼補攞喜宴, 想起幾個月前去las vegas小休幾天, 到到都冇去, 當然冇去賭場拼博啦, 除咗同屋企人出外吃飯外, 就只參觀了這間因香港藝人秘密結緍而出名的小教堂

A Little White Wedding Chapel

間教堂好細, 行緍禮的場地最細個間只能容納幾個人, 最衰唔準映相啦

想即興結婚?香港好難揾到囉, 不過哩到就---24小時
連Joan Collins同Michael Jordan都系哩到行婚禮哦

任選套餐, 豐儉由人--美國人的快餐文化

唔洗驚臨時臨急冇準備---一應結婚禮服用品隨時候命

連架花車都特色過人

想緍禮增加d浪漫氣氛, 貓王樂意為你效勞, 聽講陳小春緍禮上貓王都有嚟助興

系咪好想有個難忘的緍禮呢!快來查詢吧702-xxx-xxxx