妹妹小偷

仲有一星期就見到囝囝和妹妹, 點知今早7點囝囝CALL我, 咁早揾我一定唔系好事, 心情已經沉咗一半, 囝囝話唔見咗個銀包,佢D乜乜卡都系晒個包到, 咁我更系叫佢揾清楚啦, 囝囝話已將成間屋反轉咁滯, 都揾唔到,我唯有叫佢打電話去報失,跟住就掛了線.

剛剛囝囝又CALL我說, 銀包找到了, 在妹妹籠裏面,  原來佢諗起仲有一個地方未揾, 妹妹籠的內房, 嘿嘿!終於尋獲失物, 兔贓俱獲.

我想是囝囝返到屋企就將銀包亂放在梳fa上或是跌咗落地, 咁妹妹就順口把銀包帶入籠內, 睇嚟佢棚牙仔都好有力喎, 咁重的包包都咬得起

請各位兔哥兔姐兔媽組成陪審團, 裁定妹妹偷竊罪是否成立!

 

西安遊踪(一)陝西美食

我家大爺的親叔叔住在西安幾十年,子女都在那裏, 剛好端午節有四日長假期, 一於飛去西安玩!

4号一早大爺回公司安排工作後, 司機就送我們到廣州白云機場

經過兩個半小時, 下午3點半終於來到這個響往已久的地方, 叔叔的兒子阿明和太太一起開車來接我們, 這個堂叔仔我是第一次見, 大爺就見過這個堂弟兩次吧.晚上就和叔叔嬸嬸一行六人來到這間西安飯莊(叔叔還有一個女叫阿君, 她這天有事沒有出席)

秦嶺山水, 名字改得好好聽, 其實系紫薯,山葯和南瓜, 淋上黑加侖子汁, 味道好特別, 好回味,陝西許多小吃都有一個故事,每上一道菜就講一個故事

蝴蝶素鮑--汁料有日本芥辣和醋

桃仁肘凍--伴辣豉油,我食咗好多,

五香牛肉

青豆鮑螺,白色的是新鮮合桃,陝西盛產合桃, 在香港未食過

醬香辣鴨舌--味道都OK啦

秦唐雞, 又名葫蘆雞--好香好酥, 肉嫩皮脆,是陝西名菜,是招待貴賓的指定菜色

牡丹腰絲, 聽講話拿過法國的刀章奬喎

枣沫糊---啖啖枣香

黃桂柿子餅

肉夾饃--清真食品,夾餡通常用羊肉,牛肉或豆腐皮

盤絲餅--內裏甜甜的, 味道唔錯,不過有點過油

金綫油塔--伴蒜茸吃

羊肉泡饃--好好味

生醃蒜頭伴食至正宗

陝西菜以酸辣為主, 我們一共食了14個小菜和小吃,太飽了,還剩許多打包,整体味道可口, 而家諗起都想食哦!

周日赤柱消遙遊

成班老友約好周日去赤柱,原本我家大爺都出席, 點知臨時要工幹, 哎!

開車啦!

周日赤柱大街人頭湧湧

好多準新人選擇在卜公碼頭和美利樓映相哦

仲有一星期就系端午節, 見唔見到有隻龍舟呀

少年十五二十時.......

晚餐就在美利樓的King Ludwig Beerhall, 我哋張枱系咪正到痺呢

King Ludwig Beerhall的德國鹹豬手, 好多人都慕名而來, 包括我哋

這餐食足三個鐘,夜間的美利樓真得很美

寫這篇赤柱遊時, 想起我們這班幾十年的朋友由年青小伙子到今日子女都成長出身,頓覺友情可貴,更讓我想起前兩篇,閒遊數碼港和周末半天坪洲遊 , 也代表著兩種情
愛情和親情!

忽然發覺自己真的好幸福! 眼眶有點濕潤, 只有感恩...............

周末半天坪洲遊

好耐都冇去坪洲玩, 難得家姐相約, 當然好啦。中午到達中環碼頭, 大家姐同佢個肥孫女已經到咗, 三點到達坪州

行了不久就到達手指山休憩處,

沿途看見一串串小花好靚, 唔知系咩花, 有冇卜友知道呢?

這是全條路最辛苦的一段, 屬小兒科, 連肥妹都可以一口氣上

原來坪洲都有個地方叫天涯海角

肥妹成日同婆婆一齊遠足, 行得快過我tim

坪洲的政府公屋, 環境優美

坪洲不像南丫島或長洲那樣熱鬧, 尤其周末晚更是人山人海, 這裏仍保留著離島應有的寧靜和優閒

晚餐就在碼頭附近的好運酒家, 我們四個女仕加一個小朋友, 點了四個菜,西兰花炒鮮魷, 鹽水沙薑雞, 漁村滑豆腐和沙拉金沙骨,  估唔到碟碟都好夠份量, 味道好好!價錢合理!

今次只行了1/3個島, 家姐話要約埋老媽同細佬一齊來坪洲環島一周,  應該冇我份了