太巧合的四代微妙出生日

好多家庭都會有成員出現同月同日生的情形, 但像我家的情況都幾難揾到啦

話說我老公外婆在她農曆生日那天生下我奶奶,即系我老公阿媽, 二十S年後某天, 剛好是奶奶新曆生日,老公就系這天出世,又過了二十S年, 在我肚內的小寶貝遲遲都唔肯出嚟,直等到我奶奶60歲農曆生日那天,囝囝終於乖乖的來到這個世界,我想也許是囝囝希望自己變作一件大禮物送給嫲嫲吧,  亦因為嫲嫲與囝囝相差60年, 按照中國曆法計算, 每60年一個年庚,所以嫲嫲和囝囝在曆法上會出現同年同月同日的現象, 這四代人的出生日竟然這麼巧合地連在一起, 唔知入唔入得健力士世界大全呢

19/12是谷紅情醉牧牛湖

西苑的紅酒宴除了多款sui valley系列的酒外, 另一重頭戲當然是美食醫生老公獨家代理的牧牛湖大閘蟹同野山水魚啦,唔知系咪太耐冇出嚟見人, 今次真系失禮, 竟然貓咗

四小碟--义燒, 密汁脆鱔,椒鹽九肚魚, 清燒野菌松露

足6兩重, d蟹好乾淨

張相映得唔清楚忝嘩!d白膏好甘香, 漿住成個口, 太美味了
 

蟹粉焗釀蟹蓋, 外面鬆脆, 內裏軟綿綿,
 

龍穿鳳翼扣水魚

水魚裙邊好滑, 好有咬感好惹味.....

 

松茸冬荀炒水魚絲, 夠清爽

臘味煲仔飯OK啦, 冇乜驚喜

其實仲有炒青菜和甜品, 不過我已經冇能力繼續映相lu

16/12嘉豪開心飯聚

14号一到埗就即刻CALL細佬Lucy, 因為又系我哋八位金蘭姊妹聚會的日子, 亦系我在香港的美食之旅第一站

16号6PM去到奸仔記,Lucy已幫我搞掂, 買咗D乜, 睇下佢個BLOG就知啦

凍蟹--連D抓都滿晒肉

東星兩味--炒球啖啖肉, 炆骨腩惹味

好好味熱騰騰燒鵝

哩碟薑葱焗龍蝦班姊妹連葱都食清

亂咁嚟兩枝酒, 但都只飲咗支紅酒, 杯內的酒是英英自制梅酒,差不多每次飯局的必然首撰

其實仲有東風螺, 蒜蓉豆苗同芥蘭炒臘架,最幣成班女人掛住講講,連相都唔記得映相lu

妹妹回家了

妹妹終於做完絶育手術星期四返屋企,但系唔肯食嘢, 過咗兩日開始回復正常, 不過瘦咗一圈

醫生比咗妹妹一D藥和營養素,好難食好苦架, 我知媽媽同哥哥為我好,好小心驚整親我個傷口,咁唯有免為其難食咗佢啦, 媽媽仲傻到半夜冇返房瞓厓系張梳FAR到陪住妹妹到天光, 睇到媽媽同哥哥担心的樣子好感動哦

妹妹準備入醫院

妹妹已經6個月大啦,早幾日打電話約做絶育手術, 因為妹妹從未睇過醫生, 又未打過任何針, 護士就同囝囝講要點.....星期二到醫院開個file見family doctor, 跟住留院一晚, 第二日即星期三做手術,再留院住一晚觀察, 星期四冇問題就可以接回家, 真系好專業呀

明早妹妹要去醫院啦 

這個籠剛買回去, 準備帶去醫院

兔仔帶平時用來帶妹妹行街街

雲吞雲吞是我命根

這個星期真系有d問題, 好唔想煮飯, 乜都唔想做,但肚餓就要揾嘢食啦,就系咁我同哥哥就一連食咗5餐哩樣嘢, 我自己就連食咗 (剛剛食完第8餐), 哥哥要外出食sudway

其實上星期包咗2佰幾隻架, 有剩一包雲吞皮, 咁過咗幾日再攪d餡啦, 點知又剩咗哩砵嘢

唯有又去買包雲吞皮返嚟包埋佢, 好囉! 圓滿結束

好彩上星期我精神爽利同埋夠晒勤力, 這幾天哥哥同我才不至餓死家中

藍梅豆腐芝士凍餅

今早又系社區班教整cake, 早一日就要準備, 磅定d材料, 又要做定個cake比學員嘗試, 下面的cake mold系我返香港買回來的

成大包魚膠粉大家分, 比在超市買平好多

整緊個cake時開始唔舒服,鼻塞,又頭暈, 點都要搞掂埋佢

最後由我的助手--哥哥幫我脫模

佢哋好比心機架

一人一個5吋cake仔

好彩今次個cake系非常易做的, 咁就可以完成任務, 哥哥, 鍚晒你

三師奶又一齊食午餐

真系好耐冇一齊食午餐了,數數手指都有成兩年, 主要原因系我同阿A成日港加兩邊走, 次次都碰唔到面, 今次大家都在MONTREAL, 咁就揾埋阿J食番餐, 記得多年前我哋D宝貝讀小學, 各自送D宝貝返學, 然後一齊去食早餐,要食成3個鐘架, 點解要食咁耐, 咪就系要交流下d 金融政治,醫學常識,天文地理, 美容心得....囉, 今日d師奶唔系咁易做架, 唔系點頂得半邊天呀, 直至中午食完個早餐, 繼續去shopping, 3:30pm就去接佢哋放學, 就系咁在友儕中得了三師奶或三劍俠的名字, 我覺得三師奶形容我哋就最貼切

今次去的意大利餐廳Del Friscos是阿A提意的, 佢話低食夾大件

個包包又熱又軟--唔錯

我的green salad都好大碟喎

我哋三個都叫咗mussel不過唔同sauce, d mussel好好味, 佢哋食唔晒我包辦, 薯條就

哩杯 decafe比想像中好

這個set lunch唔洗11元, 加埋tax同tips每位15元正, 冇乜驚喜