拿破倫竟然在歌劇院食豬肉乾

星期五中午同哥哥去肥老師到上堂, 搞到黃昏才開始整嘢食, 好趕呀!星期六早上要交貨架

首先出爐-蜜汁豬肉乾

千其唔好貪大塊, 好難焗架, 雖然用低火焗, 但外邊d肉乾晒中間仲未得
細細塊焗幾靚仔

焗完豬肉乾都成8點, 繼續開工, 再嚟兩個cake, Opra同Napoleon

搞到頭暈腦脹, 哩次個Opra做得唔靚, 不過味道都ok, 聽說這個四方朱古力蛋糕樣子像舞台所以叫Opra, 但酥皮餅點解叫做Napoleon呢?有冇C兄C姐可以話我知呀

 

芒果拿破倫

小妹好中意食酥皮拿破倫餅, 香港有幾間做得相當出色的, 我比較中意帝苑的餅店和海逸酒店的千鶴佢哋d芒果拿破倫好正架, 搞到我成日心思思想自己學下點整, 終於找到個網睇住嚟整啦, 在香港隨時買到呂宋芒, 又甜又香, 這邊現在只有得個樣的蘋果芒, 唔甜仲冇香味, 將就用住先啦好過冇!連即食吉士粉都冇得賣, 咁唯有自己煮啦, 較果比相像中好, 我仲整埋唧花曲奇tim, 哥哥又有得食了

 中間d吉士忌廉用咗1湯匙吉士粉, 200g淡忌廉, 20g糖, 1/2茶匙雲呢拿油整架
個賣相靚唔靚呀

牛油曲奇系哥哥的飛far

哥哥的肥老師

肥老師是法裔加拿大人,一個歌劇男高音,在歐州演出十多年, 廿年前退休回到加拿大開始他的歌唱老師生涯,

年半前哥哥拜入他門下, 佢好鍚哥哥, 我也常常整cake佢食,記得第一次整咗lindt's chocolate mousse cake送比佢個仔生日, 後來肥老師同我講佢家人不相信是homemade的, 佢仲笑住話I'm French, and i don't know how to made  French cake but the Chinese woman can!

肥老師個仔上個月生日,我再次做一個同去年生日同一款式

肥老師話最中意我整的Tiramisu, 下個月他的生日我已人在香港, 所以會提早幾天整個比佢預祝

蘋果批的回憶

早前朋友回香港, 他們的子女就來我家医肚, 講起原來大家都好中意去m記食蘋果批, 我哩個做auntie一定有求必應, 整個比佢哋同哥哥食,其實我冇整這個批都有十幾年。這是紐約一對美國夫婦教我做的, 他們都已退休,  那太太就在圖書館義務教我英文, 還有一位南美裔的女仕, 她的子女已成年,在其他州份工作, 就只有她一人住在紐約, 她在海關工作, 我們在她家住了半年, 她當我和仔仔是一家人的照顧著,  這十幾年沒見過她們了也忘記他們了,因這個蘋果批, 勾起了不少的回憶, 一絲歉意!一絲温暖!

妹妹的大玩具

琴日媽媽同哥哥一起幫妹妹洗白白, 跟住幫我剪甲甲, 點知媽媽老眼昏花, 我的脚指糟央, 哎呀!好痛呀流血血嗚嗚!

妹妹最中意咬電線, 家中每一角落都找到我的傑作,媽媽冇晒符

我有一個大玩具, 你哋估下系乜

這個軟軟球---
妹妹的大玩具--------登--登--登--登

起身呀哥哥, 我要玩tumtum轉

哥哥TUMTUM轉好好玩哦

schwartz's smoke meat

同哥哥講好想食smoke meat , 咁就即刻開車去down town, st-laurent街, 果到有一間montreal非常出名的smoke meat restaurant , 許多外地遊客或名人都慕名而至

1928年開業到現在, 保留傳統裝修, 非常簡陋, 但食客長期排長龍

在厨窗的smoke meat

牆上掛滿名人食客的簽名照片和報張訪問

薯條是必然的side order, 仲有鬼佬酸菜coleslaw, 我次次都點架

嘩!好厚肉呀, 佢哋有純瘦或半肥瘦選擇, 我最喜歡就是這款fatty meat, 好juice架, 間唔中食次不會超標的

在原址隔鄰開多一間單做外賣的店, 方便不想排隊等的人, 仲有真空包裝讓遊客可帶回家做手信, 順道一提, 美國是不許帶肉食入境的, 但schwartz的肉就有括免限制的標籤, 所以美國遊客可安心的帶過關嗱

感恩節飯聚

在這邊生活總離不開住家飯局, 小妹和幾個朋友每隔一段時間就會來一次自家私房菜, 各人施展渾身解數, 各式其式, 好開心又好食呢! 其中我們的星級大厨Billy師父的示範就是當中的重頭戲.

今次飯聚選在感恩節, 有些朋友就因出埠旅行錯過了, 卻吸引了一些新朋友來, 其中就有通之厨房的Tony, 你睇下佢跟Billy師父學整潮州糯米卷幾認真!!

香草焗羊腿系我整ga, 當然仲有蛋糕啦, 不過冇映相喎

師奶仔的拿手Smoothie, 真材實料,正過出面d好多架

阿Da姐的奶皇椰絲巻名震中外(佢d鬼佬同事讚不絶口)

有咁多好朋友一齊分享這個節日午餐, 好幸福哦!

 

媽媽的THE ONE

Hello!我個名叫妹妹, 大約五個月大, 3個月前由哥哥自作主張帶我返屋企, 把我放在一個爛膠籃內, 過了一天, 媽媽發現我了,就同哥哥講要哥哥自己照顧我, 媽媽不會幫忙, 這就是我的家? 媽媽竟是一個毫無愛心的人,  我細小的身軀只有一隻手掌大, 身心靈都那麼脆弱,我以後點算呀!嗚嗚

跟住哥哥又自作主張買咗個好靚的籠比我住, 唔洗瞓爛膠籃了,哥哥萬歲!
相處咗幾日,發覺媽媽沒有想像中cool, 而且仲幫我做message, 好舒服哦

終於發現媽媽其實好喜歡妹妹, 原來佢系怕我會早她離去, 佢會好傷心, 所以唔肯收養任何竉物.媽媽真傻!

同媽媽哥哥生活咗3個月, 過得真系好開心呀, 話比你哋知呀, 我已代替哥哥的地位, 成為媽媽的THE ONE

媽媽話我越大越似隻小獅子, 傻媽媽, 我系一隻兔仔嚟ga >--<

月餅工場

今年中秋在加拿大度過,好想食香港的好味味N多黃白蓮蓉月餅就真系難d, d friend又話要食自家制月餅, 咁就一齊動手做啦

哩d系冰皮月餅, 原來好多老華僑唔知系乜水, 仲問小妹點解唔將d月餅焗熟, 咁生點食呀

哩款冇問題啦, 傳統雙黃白蓮蓉, 安心享用

後記:

經我大費唇舌, 解釋周詳, 多謝各位對小妹的信任, 佢哋終於放胆一試這款冰皮月餅嗱

嘩!落雪啦, 今年入冬的第一場雪

早幾日阿仔就話halloween前一定會落雪,吓!比佢講中咗

友人剛由香港回來, 昨晚就請我去佢屋企打邊爐, 小肥羊湯底--超市有得賣, 肥牛當然系主菜啦, 生猛藍蟹,糕多肉厚, 魚翅魚(魔鬼魚鯕)仲有生蠔, 虾(全部冰鮮), 冇法啦, ,你估系香港咁好咩, 要幾新鮮就幾新鮮.

點解冇d嘢食相, 冇帶相機囉

一路食一路吹水, 原來窗外已靜悄悄的下著微微雪雨

WINTER is COMING