歐洲行---口啞啞西班牙Part 3

10号8點半離開酒店, 經過3小時車程, 終於來到西班牙首都馬德里Madrid, 旅遊車停在皇宮附近的地下車場, 小彭給我們五小時自由活動, 5小時咁多? 咁即系到6點集合啦. 相信到過歐洲的朋友都知道整個歐洲最令人苦腦的就是找洗手間, 幫襯食市是其中一個可行方法, 剛好中午時分, 八人組一於因食成便!

我哋八人組加上團友靚媽三母子一齊揾食, 終於找到一間比較多人的,  待應帶我們落到地庫, 這地庫就只得我們一枱人,  包廳呀,  樓上熱烘烘, 地庫涼爽爽!



先嚟一杯Sangria


薯仔沙律好大份, 個個都食唔晒, 好浪費

主角雞脾一隻, 味道ok啦

仲有甜品送

 

食飽飽有氣有力去行街街

這條步行街有許多小商店, 真甜甜和基斯汀迷失街舖中, 而Lucy就做其世外高人 , 睇下時間, 吓!  連皇宮都未參觀, 立時把她倆喚回人間

行到嚟西班牙皇宮, 離集合時間只剩半小時, 唯有在外圍影下相就算, 無時間入內參觀

 

座立在皇宮對面的教堂


團友都集齊, 再去望下斗牛場, 不過不能觀看斗牛表演, 因時間不配合.  講真, 就算有得睇我都一定不會看, 想起牛牛, 太不人道太殘忍了

西班牙人的生活習慣跟我們大不相同, 中午要休息幾小時, 晚飯時間在9點之後, 我們到達酒店已是8點半, 放好行李就行到酒店附近的食市, 只見整個食市只得兩間剛開門, 團友阿pat跟埋我哋

食d粉做乜整個咁可愛的表情呢?話說當晚一行人坐在這張露天長枱上, 一位面帶笑容的待應過來招呼, 放下餐牌, 大家你眼望我眼, 唔知點算好, 成個餐牌一隻英文字都冇, 試下用英語同待應沟通啦, 點知佢完全聽唔明, 一個單詞都唔識, 法語掂啩? 都死埋!  這世界有一共通語言, 一於帶大家走進農場, 拍翼雞唂唂叫, 翁鼻豬呱呱叫, 牛牛哦哦叫, 食d粉施展渾身解數, 我哋笑到pa晒系到, 可是.........

 

某某望著個餐牌, 突然靈光一閃, 數數餐牌, 剛好是八款套餐, 問題全部解決, 有得食啦

真甜甜絶對系性情中人, 系咁艱難的環境下才得到這碟由八款菜式組合而成的什錦套餐, 怎能不喜極而泣呢! 用咗成包紙巾

大家在笑聲中吃完這頓晚餐, 過了一個極愉快的晚上! 不經不覺兩小時, 系時候回酒店休息