3/3一早6點幾就去到MGM等旅遊車接我們去大峽谷, 以前去過好多次距離LasVegas5個多小時車程的南峽, 今次打算自己開車去南峽的, 因為手痛的問題(旅行前的大修), 唯有報當地一天團去西峽, 聽人講過南峽比西峽壯觀, 阿麗知道我選了西峽線確實有點失望, 西峽比南峽短一半車程, 只須2小時半就到達。
西峽位於印第安人保護區內, 一位名叫DAVID JIN的中國人投資了8千多萬美元打造為新的旅遊景點, 聽導遊話而家仲未歸本。玻璃橋最特色是全橋採用透明玻璃做通道。有畏高症的要想清楚才行出去呀! 若自己開車去,入場費為30美元, 我們跟團包車費, 入場費及午餐130美元一位。
U型的玻璃橋
這幅相似唔似隻張開翅膀的大禿鷹呀, 這個叫做麻鷹峽
旅遊區內只供應兩款午餐, 若自行售買要10美元一份，我們全選紅燒牛朒飯, 另一款系咖哩雞飯, 味道都ok!
跟著再坐區內觀光車入蝙蝠峽, 但睇嚟睇去都睇唔到有邊到似褊蝠
下面這條就是著名的哥羅拉多河
比較起南, 西峽, 我和阿J(去過南峽一次)一致認為西峽的蝙蝠峽景色壯觀過南峽,阿麗當堂心花怒放!
回到LasVegas6點半, 係時候揾埋莊主太座食晚餐
沒有留言:
張貼留言