妹妹與我的香港生活

2011年8月29日星期一

歐洲五國八天遊

早幾個月Candy就叫巴黎的同事幫我哋報名當地歐洲五國8天團, 原來連佢都唔知去邊幾個國家 , 在巴黎停咗一晚, 第二朝一早坐地鉄到香榭麗舍大道集合, 正值旅遊旺季, 幾十人分兩團, 我哋這團有38人,集合後導遊分發行程表, 這時才清楚去邊到, 哩一團叫意圣梵摩法五国八日游 ,即是Itary意大利, San. Marino聖馬力諾一個位於意大利境內只有約3萬人口的郵票之國, Vaticano梵蒂岡,也是在意大利境內, Monace摩納哥和France法國。除我哋5個從加拿大來的香港人外, 其餘都是大陸同胞, 連導遊都系。慘! 全程普通話講解, 好多地方名的譯音又唔同, 好像Cannes , 香港譯作康城, 大陸譯為戛那, 你話點算呀! 咁我哋唯有睇住張行程表做人, 導遊小姐坐在第一排位上, 背向著團友 , 用她那如收音機主播的聲線 , 將參觀的地方和資料像播錄音帶般一口氣背誦出來, 真系小D記性都唔掂,可憐的5人組你眼望我眼, 能接收到50%已算了不起 , 這就開始加拿大5人組(導遊小姐幫我哋改)的矇查查五國遊。

第一天：從巴黎開車6小時才到達里昂
Basilica of Notre-Dame de Fourvière富維耶聖母院

古羅馬露天歌劇院

Place Bellecour 貝拉古廣場

參觀完這三個景點已是7點幾, 系時間開車1小時返酒店休息

2011年8月7日星期日

肥米生日Bonaparte

老二囝囝阿咪早前在Las Vegas high school畢業, 準備前往BC省入U, 所以老二太座同阿咪一齊嚟咗我到, 昨日剛好系阿米18歲生日, 大個仔啦! 當然要整個蛋糕慶祝啦, 今次有晒準備又系自己地頭, 唔似上次系Las Vegas芊芊生日咁狼狽

(賭城遊踪(四)post)

這天節目豐富囉!下午係Tony外父屋企BBQ, 當然系Tony負責醃肉同燒嘢比我哋食啦, 都好辛苦架要服侍二十幾人

通少好認真咁睇實個爐, d香茅豬排好正呀!應該系佢個食譜到有介紹啩

我整咗個Rare Cheese Cake比阿咪, 囝囝負責decoration, 靚唔靚呀

咁就順便切埋個蛋糕啦

我們一早訂咗Bonnaparte食晚餐, 所以7點半就走人!這間法國餐廳可說是我的飯堂, 幫襯咗十多年, 水準依然, 我同老二太座點了5道菜Course, 兩個囝囝就點了有齊7道菜的Full Course

先嚟麵包+美味牛油

第一道菜
我們四人都order咗哩個lobster bisque

第二道菜
囝囝的Fole Gras creme brulee

老二太座同阿咪都點了smoked salmon

我的marinated shrimp with tomato raspberry vinegar

full course第三道菜(冇我同太座份)
阿咪的Shrimp Scallop

囝囝的Mushroom Ravioli

full course第四道菜
Tarragon Sorbet --原本只有兩個囝囝才有的, 點知餐廳見到我哋兩個美麗的女仕太吸引了

, 特登送多兩杯---BONUS

main course
囝囝的Duck Breast with maple syrup and wild berry sauce

阿咪的Beef Filet Mignon

因為近來不停咁食, 兩個女仕都怕肥, 所以一致選了Grilled Swordfish with lobster sauce

甜品看似冇乜特別, 但這個Cream Brulee is soooooooooo good, 真意想不到

系米覺得這輯相好特別呢, 因為唔想用flash影响其他食客, 又可以保留原有情調，

當然仲有咖啡或茶啦, 今餐食咗2個半鐘, 時間唔算長, 通常都食足3小時架

2011年7月29日星期五

巴黎自由行(一)到埗第一天

Candy的公司有幾個辦事處,其中一間在巴黎, 在當地租了一間柏文作為職員到歐洲工幹時的宿舍。14号一早到達巴黎, 一行五人回到柏文休息一回, 下午Candy巴黎公司的同事送我們到唐人街, 就在這個商場買了些食物準備在住處煮晚餐, 咁就可以爭取多點休息時間, 因為第二朝一早就跟團出發去玩。

這個陳氏百貨商場巴黎華人絶不陌生

由唐人街坐地鉄兩個站就到住所, 我們卻選擇步行約30分鐘, 順道欣賞沿途風光

這個站步行約5分鐘就到住處

住所附近的食市, 幾有特色, 這區環境較好, 還有一個大公園

在巴黎的第一個晚餐---唐人街買的上海白菜, 豉油雞, 仲有加拿大帶來的午餐肉, 沙甸魚和生麵皇

; 唔系我帶喎。當我睇到佢哋其中一個行李載滿了食糧和gas爐, 我都嚇咗一跳, 竟然可以咁齊全

這餐我冇幫手煮哦, 平時我不會買這種麵的, 但今次又覺得幾好味喎, 唔知系咪隔離飯香呢! 而我的煮食本事在跟著的旅程中終於發揮出來了

, 遲d會同大家分享

2011年7月12日星期二

旅行三寶又出發啦

今年可算是驛馬星動, 幾乎每個月都出trip

從香港返來剛3星期, 明日又出發去歐洲16天, 今次旅行跟以往不同, 通常我跟團都會選擇下邊間旅行社的行程價錢好, 自由行的話會揾齊資料, 今次歐洲行系炆衫尾跟著朋友,佢哋上年已定好機票, 而我系後來加入的, 我只知道飛去巴黎, 跟當地團玩8天, 至於去邊幾個國家? 行程如何?一概唔清楚, 太好了唔洗煩, 一行五人兩對夫婦加我一個, 到埗就會入住朋友在巴黎的柏文, 但只有一房一廳, 所以我帶齊我的旅行三寶----頸枕, 地席和被仔準備席地而睡, 好耐未試過啦

收拾行李準備出發啦

2011年7月5日星期二

西安遊踪(完)大雁塔旁籠中貓

在西安城北的慈恩寺,內有一座七層塔名為大雁塔,建於唐朝太宗年代, 是玄奘法師居住和翻譯經書的地方, 原寺已不存在, 但大雁塔仍保存得很好

玄奘法師像和大雁塔

那天我太攰了, 就坐在在大雁塔旁的休憩亭等我家大爺, 佢一個人上塔頂參觀, 期間見到一個和尚, 將手提著的鳥籠掛在樹上,然後就行開了, 奇怪的是傳來的不是吱吱鳥聲, 一看, 這個大雀籠內困著的是一頭約3個月大的小貓, 她不停的發出聲音, 這樣就引來幾個旁觀者(包括我和叔叔嬏嬏), 貓貓不停望著圍觀的人, 楚楚可憐的喊叫至少20分鐘, 我們只能看著她, 不知如何是好!